sábado, 2 de novembro de 2013

A indignação de Cabo Verde.


JORNAL PORTUGUES POI CULPA NA CABOVERDIANO

Finadu cabo-verdiano suspeito di ter assassinado Maddie Mcann na Portugal 
PAXENXA NHA DJENTI ...
Noticia foi publicado na jornal sensasionalista di Lisboa “ Correio da Manhă” , na Cabo Verde jornal “Asemana” repruduzi sen cansa cabeça ku analiza txêu... Noticia ta fla ma policia judiciária português ta acredita ma Maddie McCann, ês criancinha inglėsa ki desaparece na Algarve na 2007, ma Maddie Mc Cann foi raptado y dipôs assassinado pa un imigrante cabo-verdiano, ki na altura tinha 26 anos y era casado ku un portuguėsa. Segundo ês fla, ês cabo-verdiano tinha motivo y teve oportunidade pa rapta Maggie y matal.
Matal go segundo policia ka staba na plano, ês kriolo teria “ calado” Maggie pamodi cuzas ultrapassa si controlo, sobretudo ku mediatizason di caso . 
So ki noticia ka ta fla qual foi motivo, único pista ki ê ta dexa ê pamodi ez imigrante cabo-verdiano staba desempregadu, mas si kel li ê motivo 2 milhon di portugueses ki sta na desemprego tinha tambė mesmo motivos. Oportunidade pa cumete ês crime? Segundo jornal es imigrante cabo-verdiano foi despidido di hotel undi pais di Maggie staba hospedadu, ê conxeba lugar dretu y ê conxeba tambė rotina di hóspedes di hotel . 
Kel li tambė ka ta panha pamodi na ês caso tudo empregados di hotel, di presente y di passado, teve tambė oportunidade...
Más caricato ê ki ês “ suspeito” dja morri, ê morri na 2009 na un acidente di trator, o ki ta fazi di el un “suspeito” perfeito, ki ka podi nen difende, inda por cima cabo-verdiano, ku tudo fama ki nu ten na Portugal , inda por cima ês suspeito ka ten ficha limpo, ê tinha sido condenado por roubo y dipôs indultado pa Presidente Jorge Sampaio na Natal di 2006. Será ki casal Mcann, ki desaparecimento di sês fidja dexaz milionário, será ki ês casal ta prucessa Sampaio pa pidi indmizason? 
Ês “revelason” di policia português surgi alguns dias dipôs di policia di inglaterra ter divulgado un retrato robot ki ta mostra presumivel raptor di Maggie Mcann, un retrato ki ka ten nada a ver ku rosto di un cabo-verdiano. Mas como na Portugal tuda cuza ê badiu, pa policia ka ten midjor bode expiatoria ki un imigrante cabo-verdiano ..morto.
Já agora, primero culpadu na desaparecimento di Maggie Mccann ê si mai ku si pai , ês ka tinha nada ki dexa un criança di menos di 4 anos abandonados di noti na un quarto di hotel ku 2 irmons gėmeos di 2 ano.

https://www.facebook.com/Do.you.papia.kriolu/posts/10152004697524095